2010년 10월 17일 일요일

Амтат шарсан төмс

Орц: төмс, оливийн тос, давс, амлагч
Бэлтгэх арга:төмсөө маш сайтар угаагаад жижиг төмсийг 4хэсэг том төмсийг 6-8 хэсэг хэрчинэ. Усгүй болгохын тулд хэсэг байлгана. Оливийн тосон дээрээ давс амтлагчаа нэмээд хутгаж бэлдэнэ. Төмсөн дээрээ бэлтгсэн амлагч тосоо хийгээд сайтар хутгана. шарх шүүгээний тавиур дээр жигд хэмжээтэй тавиад 190-200с ийн халуунд 20 мин орчим шараад нөгөө тийш нь эргүүлээд 15минут шарна.
















Good luck!

2010년 10월 7일 목요일

НОГООТОЙ МАНТУУН БУУЗ


Орц:

Улаан буудайн дээд гурил 3 аяга,
хүнсний сод 1ц.х.,
бөөрөнхий байцаа 1/4,
бор мөөг 3ш,
шахмал дүпү 3ш,
лууван 1/2ш,
цагаан гаа 1 хэрчим
Амтлагч:

ус 1 аяга,
давс, гүнждийн тос, перец.
Бэлтгэх арга:
1. Гурилд хүнсний сод, давс хийж холиод ус нэмж зуурмаг бэлтгэнэ. Гурилан зуурмагийг хэсэг зуур амраасний дараа жигд хэмжээтэй таслан хуваагаад захыг нь нимгэвтэр элдэнэ.

2. Байцаа, цагаан гааг хярж хэрчинэ. Бор мөөгийг усанд дэвтээж зөөлрүүлээд жижиглэж хэрчинэ. Лууван, шахмал дүпүг жижиглэж хэрчинэ.

3. Байцаанд бага зэрэг давс нэмж 50 минут орчим тавьж давслаад шүүснээс нь салгаж шүүж авна. Хайруулын тавагт бага зэрэг тос хийж халаагаад бор мөөгийг хуурна. Лууван, шахмал дүпүг дээр нь нэмээд үргэлжлүүлэн хуурч болгоно.

4. 3-т бэлтгэсэн ногоонуудыг хольж, дээр нь давс, гүнждийн тос, перец, хэрчсэн цагаан гаа нэмж амтлаад шанз бэлтгэнэ.

5.Шанзыг 1-д бэлтгэсэн зуурмагийн голд тавьж амсрыг чимхээд жигнүүрт тавьж 10-15 минут жигнэж болгоно.

2010년 10월 6일 수요일

Карритай будаа


Орц:
Агшаасан цагаан будаа 1,5аяга
Бор мөөг 3-4ш
Цоохор майлз/чинцай/ 1-2ш
Амтат чинжүү/улаан/ 1ш
Амтлагч:
Карри 1/2х.х
Мөөгний амтлагч 1/3х.х
Элсэн чихэр 1/3х.х
Сүү 3-4х.х
Нунтаг бяслаг 2х.х
Давс тохируулах
Чимэглэл:Цөцгийн тос 10-15г Хушны самар 3-5г
Хийх арга:
- Бор мөөг, цоохор майлз, амтат чинжүүг угааж цэвэрлээд жижиг хэрчинэ.
- Тос хийж халаасан хайруулын тавганд хэрчсэн бор мөөг, амтат чинжүү, цоохор майлз хийж хуураад карри, агшаасан цагаан будаа нэмж хутгана.
- Дээр нь сүү, элсэн чихэр, давс, нунтаг бяслаг хийгээд савыг таглаж хэдэн минут жигнэнэ. Хоолыг таваглаж цөцгийн тосонд хуурсан хушны самраар чимэглэнэ.

www.chinhai.ucoz.com

Цагаан хоол ба бидний ирээдүй


АНУ-ын Шим тэжээлийн нийгэмлэг болон Канад улсын хоолзүйчдийн холбооноос цагаан хоолны эрүүл мэндийн ач тусыг “Зөв зохицуулсан цагаан хоол нь эрүүл, тэжээллэг төдийгүй зарим өвчнөөс урьдчилан сэргийлэх болон эмчилгээний ач тустай” гэж тодорхойлжээ. Махан хоолыг боловсруулахад ургамал болон цагаан идээнээс илүү ажиллагаа шаардагдах ба бие махбодийн илүү ажилбар бүр нь хүнийг ядраадаг. Харин жимс, хүнсний ногоо нь махнаас 10 дахин, сүү цагаан идээ нь 5 дахин хялбар шингэцтэй, бие махбодид ашигтай олон шимт бодисын эх үүсвэр болдог төдийгүй бие махбодиос хортой бодисыг гадагшлуулах, хоргүйжүүлэх шинж чанартай болохыг шинжлэх ухаан нотолж байна. Цагаан хоол нь ханасан өөх тос, холестеролын хэрэглээг багасгаж, эслэг болон төрөл бүрийн аминдэм, эрдэс бодис, үл исэлдүүлэгч бодисын хэрэглээг нэмэгдүүлэх ач холбогдолтой. Ийм учраас цагаан хоол тогтмол хэрэглэх нь эрүүл мэндэд дараах давуу талтай болох нь судалгаагаар батлагджээ. Үүнд:
1. Биеийн илүүдэл жин багасч, биеийн жин тогтворжино:
Үүний шалтгаан нь цагаан хоолтон амьтны гаралтай өөх тос, уураг бага хэрэглэдэг, согтууруулах ундаа хэрэглэдэггүй бөгөөд жимс, ногоо, сүү, цагаан идээ их хэрэглэдэгтэй холбоотой гэж эрдэмтэд тайлбарлажээ. Иймээс цагаан хоол хэрэглэснээр таргалалтаас шалтгаалсан олон эмгэгээс урьдчилан сэргийлэх боломжтой.
2. Цусанд өөх хуримтлагдахаас сэргийлж, даралт тогтворжуулж, зүрх-судасны эмгэг, цус харвалтын эрсдлийг бууруулна: Үүний шалтгаан нь цагаан хоолтнууд амьтны гаралтай өөх тос, холестерин бага хэрэглэдэг бөгөөд антиоксидант болон изофлавин, эслэгээр баялаг жимс, ногоо, буурцагт ургамал их хэрэглэдэгтэй холбоотой гэж үздэг.
3. Чихрийн шижин өвчний эрсдлийг бууруулна: Чихрийн шижин өвчтэй хүмүүсийн 80% нь “ЧШӨ II” хэлбэрээр оношлогдсон байх ба тэдний 90% нь илүүдэл жинтэй, тарган байдаг. Цагаан хоолтны биеийн жин хэвийн байхаас гадна хоолондоо эслэгээр баялаг ургамлын гаралтай хүнс түлхүү хэрэглэх учир энэ өвчинд өртөх эрсдэл буурдаг. Хорт хавдрын эрсдлийг бууруулна: Учир нь жимс, ногоо, буурцагт ургамал, үр тариа, самар зэрэг нь бие махбодиос хортой бодисыг гадагшлуулах болон хорт хавдрын эсрэг үйлчлэл бүхий олон бодисыг найрлагадаа агуулдаг.
Бөөрний өвчний эрсдлийг бууруулж, үйл ажиллагааг хөнгөвчилнө: Уургийн хэт их хэрэглээ нь бөөрний ачааллыг нэмэгдүүлж өвчний эрсдлийг нэмэгдүүлэх төдийгүй өвчилсөн бөөрийг сэдрээж хүндрүүлдэг. Ургамлын уурагтай харьцуулахад амьтны гаралтай уураг нь бөөрөнд илүү их ачаалал өгдөг. Цагаан хоол хэрэглэх нь бөөрний үйл ажиллагааг хөнгөвчилж сайн нөлөө үзүүлнэ.
Өтгөн хаталтаас сэргийлж, бүдүүн гэдэсний үрэвсэлт өвчний эрсдлииг бууруулна.
Хүнсний эслэг нь бүдүүн гэдэсний гүрвэлзэх хөдөлгөөнийг сайжруулснаар өтгөн хаталтаас сэргийлэх үйлчлэл үзүүлдэг. Хүнсний эслэгийн хамгийн сайн эх үүсвэр нь төрөл бүрийн шош, буурцагт ургамал, овъёос, эрдэнэ шиш, хивэг, бүтэн үрийн буудайн гурил, хөх тарианы гурил, төрөл бүрийн хүнсний ногоо, жимс, жимсгэнэ юм.
Цагаан хоолтны уургийн эх үүсвэр
Цагаан хоолтны уургийн гол эх үүсвэр болох буурцгийн төрлийн ургамал (төрөл бүрийн шош, вандуй, буурцаг) нь хялбар шингэцтэйн дээр мах, өндөг, сүүний нэгэн адил бүх л үл орлуулагч аминхүчлийг агуулсан төгс уурагтай, бас ханаагүй тос, эслэг, аминдэм болон эрдэс бодисын эх булаг болдог. Тухайлбал, 100 г шар буурцгийн шинэ бяслаг /дүүпүү/ нь сүүнээс кальцийг 1.7 дахин, фосфор 2 дахин, калийг 1.3 дахин их агуулж, төмрийн агууламж нь махныхтай ойролцоогийн дээр антиоксидант / исэлдэл хориглогч/ бүлэг бодис болох изофлавиныг 200 мг буюу өөр ямар ч бүтээгдхүүнд байхгүй хэмжээгээр агуулдаг. Изофлавинууд нь бие махбодид физиологийн олон чухал үүрэг гүйцэтгэхээс гадна зарим өвчин үүсэх эрсдлийг бууруулдаг болох нь тогтоогдсон. Шимт бодисын агууламжийн хувьд 100 гр шар буурцгийн үр нь дунджаар уураг 36.8%, тос 23.5%, нүүрс ус 23.5% агуулах ба кали, натри, кальци, фосфор, магни, төмөр, фтор, зэс, иод, цайр, селен зэрэг эрдэс бодис болон А, Е, К, В1, В2, фолийн хүчил зэрэг аминдэм ихтэй гайхамшигт хүнс юм.ар буурцгийн найрлагад хорт хавдрын эсрэг үйлчлэлтэй, цусны холестеролын түвшинг бууруулах нөлөөтэй биологийн идэвхт олон бодис байгааг эрдэмтэд тодорхойлоод байна. Шар буурцгаар хийсэн төрөл бүрийн бүтээгдэхүүнийг хоол хүнсэндээ тогтмол хэрэглэдэг хүмүүсийн дунд ходоод, гэдэс, уушиг, түрүү булчирхай болон хөхний хорт хавдраар өвчлөх эрсдэл харьцангуй бага байдгийгхоолзүйчид ажиглажээ.
Хоолондоо шар буурцаг болон бусад төрлийн шош, буурцаг, вандуй хэрэглэх бол дараах аргаар боловсруулж хэрэглээрэй.
1. Усанд 8-12 цаг дэвтээнэ.Дэвтээх явцад усыг 5-6 удаа солино.
2. Усанд хийж нам гал дээр зөөлөртөл чанана.
3. Шүүж гаргаад сэврээж хөргөөд шууд хоолонд хийх юмуу хүнсний хуванцар саванд хийж хөлдөөгчид хадгалж болно. Энэ нь таны цаг зав болоод хоол болгоход зарцуулах эрчим хүч хэмнэнэ.
4. Хөлдөөсөн шош буурцгийг төрөл бүрийн хоол, зуушинд хийж болно.
Ургамлын гаралтай мах орлуулагч гэж юу вэ?
Цагаан хоол тогтмол хэрэглэх шийдвэр гаргасны дараа зарим хүмүүст нэн түрүүнд тохиолддог нэг том бэрхшээл бол хоолондоо махны үнэр, амт, өнгийг үгүйлэх явдал байдаг. Тэгвэл сүүлийн үед ургамлаас махыг орлох олон нэр төрлийн бүтээгдэхүүн гаргаж авах ч болсон нь танд энэ бэрхшээлийг давахад туслах болно. Шар буурцаг, улаан буудай зэрэг нь “мах орлуулагч” гаргаж авах хамгийн гол эх үүсвэр юм. Мах орлуулагчдыг ашиглан махтай төстэй шинж чанар, амт бүхий төрөл бүрийн бүтээгдэхүүн үйлдвэрлэх боломжтой. Тухайлбал, өндөр хөгжилтэй орны хүнсний үйлдвэрүүд цагаан хоолны хэрэглээг дэмжих зорилгоор шар буурцаг, буудайн уураг ашиглан махтай андуурам үнэр, амт, шинж чанар бүхий хиам, зайдас, тахианы гуя, нугас, загас зэрэг бүтээгдэхүүн үйлдвэрлэх болжээ. Монголын хүнс импортлогч компаниуд эдгээр бүтээгдэхүүний заримаас зах зээлд нийлүүлж байгаа тул бид хоол хүнсэнтэй мах орлуулагч бүтээгдэхүүнийг өргөн хэрэглэх боломж бүрдэж байна. Түүнчилэн шар буурцаг, улаан буудайн гурилын уургийг цэврээр ялгаж үхэр болон адууны мах гэж андуурам шинж чанар бүхий бүтээгдэхүүнийг “Үнэний зам” компани үйлдвэрлэн зах зээлд нийлүүлж эхлээд байгаа билээ. Тэгэхээр та цагаан хоолонд шилжих эхний үед хоолондоо ургамлын гаралтай эдгээр “мах орлуулагч” хэрэглэснээр мах үгүйлэх бэрхшээлээс ангижирч цагаан хоолны хэрэглээгээ нэмэгдүүлж чадах болно. Нөгөөтэйгүүр гэрийн нөхцөлд шар буурцгийн сүү, тараг, бяслаг (дүпү) хийж болохоос гадна улаан буудайн уургаас мах орлуулагч уураг (глутин) гаргаж авч болдог.



www.sonin.mn-S

2010년 9월 6일 월요일

Мэргэдийн захиас


2010년 6월 26일 토요일

Солонгос хоолны панчан

Панчанд хэрэглэдэг халгай маягийн ногоон ургамлыг халуун усанд шалзлаад дараа нь хүйтэн усанд сойно. Ногоон өнгийн ургамлыг өнгийг нь хадгалахын тулд хүйтэн усанд сойдог. Сойсон ногоогоо 5 см урттай хэрчинэ. Улаан шар чинжүү нарийн хэрчиж холиод гүндийн үр, гүнжидийн тос, давс мөөг амтлагчаар амтлана.


Панчанд хэрэглэдэг халгай маягийн ногоон ургамлыг халуун усанд шалзлаад дараа нь хүйтэн усанд сойно. Сойсон ногоогоо 5 см урттай хэрчинэ. Гүнжидийн үр, гүнжидийн тос, давс, мөөг амтлагчаар амтлана. Дуфугээ бяцалж холиод сармис, ногоон сонгино, улаан халуун чинжүү жижиглэн хэрчээд дээр нь хийж холино.


Хулуугаа нимгэн саран хэрчээд зөөлөртөл нь халуун усанд шалзална. Чимэглэх зорилгоор жаахан улаан шар чинжүү адил хэлбэртэйгээр хэрчинэ. Давс, мөөг амтлагч, гүнжидийн үр, гүнжидийн тосоор амтлана.



Цэвэрлэсэн дуягаа буурцагны соёолж\ халуун усанд шалзална. Давс, мөөг амтлагч, гүнжидийн тос, миксердсэн гүнжидийн үрээр амтлаад ногоон сонгино, улаан шар чинжүү жижиг хэрчээд холино.





Хашаа уртын тагууд нь хуваагаад зөөлөртөл нь жигнэнэ. Зөөлөрсөн хашаа гараараа цуулж жижиглэнэ.
Жижиглэсэн ногоон сонгино дээрээ соя соус хийгээд гүнжидийн үр, гүнжидийн тос, сахарын уусмал, мөөг амтлагчаар амтлаад хаш дээрээ хийнэ. Улаан шар чинжүү нарийн хэрчиж чимэглэнэ.





Со байцаагаа жаахан зөөлөртөл нь халуун усанд шалзална. Шалзалсан байцаагаа хөргөөд 1.5 см өргөнтэй хэрчинэ. Тэнжан жангаар амтлаад, мөөг амтлагч, гүнжидийн үр жаахан нэмнэ.



Цагаан луувангаа нарийн савхан хэрчинэ. Нарийн хэрчсэн бөөрөнхий сонгино, алимны уксус, давс, сахар, нунтаг улаан чинжүүгээр амтлаад сайн хутгаж өгнө. Улаан ногоон чинжүүгээр чимэглэнэ.

Сэндвич


Орц: алим, өргөст хэмх, байцаа, хиам, хар чавга, \хатаасан усан үзэм\, чангаанз, шар улаан чинжүү, төмсний нухаш
Амтлагч: майонез, хар перец, сахар, газрын самар,
Байцаагаа усанд дэвтээгээд хийвэл илүү амттай болдог. Алим, өргөст хэмх, чинжүү, хиам, байцаагаа урт нарийхан хэрчинэ, хатаасан жимснүүдээ жижиглэнэ. Төмсний нухаш дээрээ майонез хийгээд хар перец, 1 халбага сахар, жижиглэсэн самар зэргээр амтлана. Бүх хэрчсэн ногоонуудаа хийж хутгаад талхандаа түрхэнэ. Талхандаа урьдчилан масло түрхэвэл тохиромжтой.

Хар мөөгний хуурга


Орц: хар мөөг, улаан шар чинжүү, өргөст хэмх, нарийн цагаан мөөг
Соус
4 хэрчим хан боргоцой, хан боргоцойны шүүс, яншуй,1 халбага гич, давс, сахар, 2 халбага алимны уксус, нэг урт шанцай хийгээд миксердэнэ.
Гүнжидийн тос халаагаад дээр нь хар мөөг хийгээд хуурна. Хар перец, мөөг амтлагчаар амтлаад гүнжидийн тос жаахан нэмж өгнө. Хуурсан мөөгөө таваглаад жижиглэж хэрчсэн ногоогоор чимэглэн дээр нь соусаа хийж өгнө.

2010년 5월 11일 화요일

Энэтхэг Каррей



Орц: дүпү 1ш, газрын самар хагас аяга, шар хулуу хагас аяга, хэрчсэн лууван хагас аяга, бөөрөнхий сонгино хагас, ногоон буурцаг хагас аяга, өтгөрүүлэгч юумуу оронд нь гурил хийж болно 3 халбага, ургамалын тос, давс болон амтлагч, перец жоохон, нунтаг каррейгаа өөрийнхөө идэх хэмжээгээр тохируулж хийх, ус 2 аяга,







Хийх арга: Дүпүгээ дөрвөлжин хэрчээд хурц гал дээр шаралтал нь шарна.
зөөлөвтөр гал дээр хэрчсэн ногоогоо хуурна. Хамгийн эхэнд лууван хулуугаа хуурна.
Бүх орцоо хийгээд сайтар хуурна. Усаа хийгээд буцалш эхлэхэд нь Каррейгаа хийнэ. Буцалж эхэлмэгц галаа багасгаад дүпүгээ хийж хутгана.





www.vege.or.kr

2010년 5월 2일 일요일

Жантай гоймон



Орц: байцаа, төмс, сонгино, мөөг, өргөст хэмх
Амтлагч: гоймонгийн жан, сонгины тос, сонгины паста, тэнжан, бор сахар, мөөг амтлагч, крахмал, гүнжидийн тос
Бэлдэх арга:Байцаа, төмс, сонгино, мөөгөө жижгэвтэр дөрвөлжин хэрчинэ.
Халуун тосонд гоймонгийн жангаа хийж бага гал дээр хуурна \хар болтол\ жангаа тостой нь хамт хөргөгчинд хадгалж болно.
Сонгины тос халаагаад сонгиноо хуурна, дээр нь мөөг байцаагаа хийж хуураад сонгины пастагаар амтлана. Төмсөө хийгээд ногооны шөл хийж буцалагана. Хуурсан жангаа хийнэ. Тэнжан \ солонгос бор савтай жан, буурцагны зурагтай\ жангаас бага зэрэг хийнэ. Тал стакан бор сахар, мөөг амтлагчаар амтлаад крахмалны уусмал хийгээд гүнжидийн тос нэмнэ.
Чанаад хүйтэн усанд сойсон гоймонтойгоо холиод, нарийн хэрчсэн огурцы дээр нь тавьж өгнө.

Төмсний шарвин


1 ширхэг түүхий төмс, 2 ширхэг сонгиноо үрэгчээр үрнэ. Дээр нь шар буурцагны нунтаг\сүү\ хийж хутгана, давс болон мөөг амтлагчаар амтлаад гурил жаахан нэмээд нимгэхэн шарвин шарна, зуурмаг нь өтгөн биш шингэн биш байна.

Хар мөөгний хуурга


Орц: хар мөөг, улаан шар чинжүү, өргөст хэмх, нарийн цагаан мөөг
Соус 4 хэрчим хан боргоцой, хан боргоцойны шүүс, яншуй,1 халбага гич, давс, сахар, 2 халбага алимны уксус, нэг урт шанцай хийгээд миксердэнэ.
Гүнжидийн тос халаагаад дээр нь хар мөөг хийгээд хуурна. Хар перец, мөөг амтлагчаар амтлаад гүнжидийн тос жаахан нэмж өгнө. Хуурсан мөөгөө таваглаад жижиглэж хэрчсэн ногоогоор чимэглэн дээр нь соусаа хийж өгнө.

2010년 4월 24일 토요일

Тенжантай шөл

Орц: Мөөг, төмс, сонгино, лууван, амталсан мах, хиам
Амтлагч: Сонгины тос , мөөгний тос, халуун чинжүүний тос, тенжан, кучужан, нунтаг улаан чинжүү, соя соус, хар перец





Мөөг, төмс, сонгино, луувангаа том том хэрчинэ. Сонгины тос , мөөгний тос болон халуун чинжүүний тосоо хольж халаагаад сонгино луувангаа хуурна. Дээрээс нь ногооны шөл хийгээд тенжан жангаа\ бор савтай солонгос \ тохируулан хийнэ. Кучужан хийгээд нунтаг улаан чинжүү, соя соус нэмж хийж өгнө. Амталсан мах хиам хийж болно. Төмс нь том хэрчсэн байх хэрэгтэй. 30-40 минут зөөлөн гал дээр чанана. Хар перец сүүлд нь хийнэ.

Шарсан дуфу \загас\

Орц: далайн байцаа, дуфу,
Амтлагч: майонез, давс, бор сахар, соя соус, крахмал,
Дуфугээ хавтгай далбагар хэрчээд 2 талаас нь давслана. Далайн байцаагаар ороогоод ирмэгийг нь майонезээр наагаад халаасан их тосонд хийж шарна. Энэ 2 бүтээгдэхүүн нийлэхээрээ загасны амттай болдог. Далайн байцаагаар 2 давхарлавал илүү амттай болдог.


Соус
Далайн байцаа,мөөг, сонгино, чинжүү, байцаа, лууван чанаад ногооны шөл гаргана. Буцалж байгаа ногооны шөлөн дээрээ соя соус \4:1 харьцаагаар\, бор сахар хийж буцалгана. Дээрээс нь усанд зуурсан крахмалны уусмал хийж өтгөрүүлнэ.
Шарсан дуфугээ хэрчиж таваглаад дээрээс нь соусаа хийгээд чимэглэнэ

2010년 4월 13일 화요일

Төмс будааны бөөрөнцөг


Орц: гурил, крахмал, буурцагны сүү, нухсан төмс, цагаан будаа, бууцай, нарийн цагаан мөөг
Амтлагч: мөөг амтлагч, хар перец, миксердсэн сонгино, майонез, сухари, гүнжидийн үр, гүнжидийн тос
Зуурмаг бэлтгэх: 5 халбага гурилан дээр 5 халбага крахмал хийгээд мөөг амтлагчаар амтлаад буурцагны сүүгээр зуурна.
Шанз бэлтгэх: нухсан төмс болон цагаан будаан дээр хар перец, сонгино, мөөг амтлагч,майонез хийгээд сайтар хутгана. Шанзаа бөөрөнхийлөөд сухари дээр өнхөрүүлнэ. Сухариа жаахан чийглэж өгнө. Ингэж бэлдсэн бөөрөнцөгөө хөргөгчинд хийж хөлдөөгөөд 10-20 хоног хадгалж болно.
Шанз дээрээ гурил сухари нэмж зуураад котлет хэлбэртэй болгож болно. Котлетны 2 талаас гурил крахмалны зуурмагаа түрхээд мөн сухари дээрээ өнхөрүүлээд хөргөгчинд хийж хадгалж болно.
Хайруулын тавганд их тос халаана. Халсан тосруугаа зуурмагнаасаа дусаахад:
• Доошоо ороод эргээд гарч ирэхгүй бол тосны температур 150 хэмээс доош байна гэсэн үг,
• Хийнгүүд доошоо орохгүй шууд шажигнаад байх юм бол 200 хэмээс илүү гарсан байна гэсэн үг,
• Доошоо ороод эргээд гарч ирээд шажигнах юм бол хамгийн тохиромжтой буюу 200 хэм байна гэсэн үг.
Тосоо халмагц бөөрөнцөг болон котлетоо хийж шарна. Зуурмаг нь шингэдсэн бол задраад байдаг.
Халуун усанд шалзалсан бууцайн дээр давс, мөөг амтлагч, гүнжидийн үр, гүнжидийн тос хийж амтлаад тавгандаа дэвсэж тавьж өгнө. Дээр нь котлетоо тавина. Жижиг мөөгөө мөөгний амтлагчтай тосонд шараад давс, хар перец, гүнжидийн тосоор амтлаад котлетон дээрээ тавина. Дуртай соусаараа амтлана.

Тан су юг


Орц: дуфу, улаан шар чинжүү, өргөст хэмх, хар мөөг
Амтлагч: давс, мөөг амтлагч, цагаан будааны нунтаг, мангоны шүүс, алимны уксус, сахар, крахмал
Дөрвөлжин хэрчсэн дуфугээ давс мөөг амтлагчаар амтлаад цагаан будааны нунтагтай холино. Нунтагаа жаахан чийглээд дахиад нэмж өгнө. Дуфуны гадаргууг бүрэн бүрхсэн байх хэрэгтэй. Халаасан их тосонд шарна. Хийнгүүтэй хутгаж болохгүй, жаахан хүлээж байгаад хутгана. Будааны нунтагны оронд крахмал хийж болно. Гадаргуу нь хатуу болоод жаахан шаргалтсан өнгөтэй болохоор нь шүүж авна.
Соус
Мангоны шүүс хайруулын тавганд хийнэ. Дээрээс нь давс, 2 халбага алимны уксус, 2 халбага сахар, \час хийсэн мөртлөө чихэрлэг амттай байх хэрэгтэй\ хийнэ. Улаан шар чинжүү, өргөст хэмхэний хальс гурвалжин хэрчиж соусан дээрээ хийнэ. Дэвтээсэн хар мөөг жаахан хийнэ. Крахмалны уусмалаасаа хийнэ. Өөр жимсний шүүс хэрэглэвэл соус нь өөр өнгөтэй болно.

Мафу дуфу


Орц: дуфу, улаан шар ногоон чинжүү, будаа, амталсан мах
Амтлагч: сонгины тос, цагаан гааны тос, жантай гоймонгийн жан, дубан жан, мөөг амтлагч, крахмал, хар перец, гүнжидийн тос
Дуфу, улаан шар ногоон чинжүүгээ дөрвөлжин хэрчинэ.
Сонгины тос, цагаан гааны тосоо холиод хадлаана. Эдгээр тосыг хоолонд хийсэн тохиолдолд сонгино цагаан гаа хоолондоо хийхгүй байж болно. Тосондоо дуфугээ хийгээд шаргалттал нь хуурна. Хуурахын өмнө дуфугээ давстай халуун усанд юм уу халуун тосонд шалзалаад авбал дараа нь хуурхад бутардаггүй. Жантай гоймонгийн жан жаахан хийнэ. Дээрээс нь мах ногоогоо хийгээд хуурна. Дубан жан \халуун ногоотой жан \, мөөг амтлагчаар амтлана. Ногооны халуун шөл хийж буцалгаад крахмалны уусмалаа хийж өгнө. Ногооны шөлөө халуунаар нь хийхгүй бол хүйтэн ус хийвэл хоол амтгүй болдог. Бэлэн болмогц хар перец, гүнжидийн тос хийнэ.

2010년 3월 20일 토요일

Салат \европ соустай\


Соус
Оливын тос 3 халбага, лимоны шүүс, алимны цуу, давс, сахар хийж хутгана. Зуурмагийг буцалгахгүй халуун бүлээн байлгана. Хар перец хийгээд дээрээс нь сонгино үрүүлээр үрээд хийнэ.
Яншуй, салатны навч, тасдаж хийгээд дээрээс нь огурцы, помидор, бууцай зэрэг хүссэн ногоогоо хийгээд соусаараа амтлана

Десерт


I/AAAAAAAAAck/l8dezvUdnew/s1600-h/6.bmp">
Орц: агарагар \желатин орлуулагч, харахад нүдсэн пүнтүүз шиг\, улаан шошны паста,
1 литр усанд 25 грамм агарагар хийгээд зөөлөн гал дээр нэгэн төрлийн зуурмаг болтол нь буцалгана. Бэлэн болмогц зуурмагаа гал дээрээс аваад 400 грамм улаан шошны пастагаа \нунтаг бурам маягийн \ хийж сайтар хутгана. 20-30 минут сэрүүн газар тавина. Улаан шошноос гадна жигнэсэн хулууны нухашийг сахартай холиод хийж болно. Тэгвэл улбар шар өнгөтэй болно.
Чимэглэгч зуурмагнууд
Оранж жүүс дээр алимны уксус хийгээд буцалгана. Дээрээс нь усанд шингэн зуурсан крахмалны уусмал жаахан хийгээд \1 халбага орчим\ хутгана.
Бүх төрлийн жимсний шүүс хэрэглэж болно, ингэснээр өөр өөр өнгө гарч ирнэ, улаан,ногоон, бор, шар г.м.

Шарвинтай ороомог


Орц: амталж шарсан мах\ бульгогны мах\, эрдэнэ шишний гурил, гурил, буурцагны сүү, салат навч, өргөст хэмх
Амтлагч: шар, ногоон, цагаан майонез, 5 халбага гурил дээр эрдэнэ шишийн гурил хийгээд жаахан давсаар амтлаад буурцагны сүүгээр зуурна. Шингэн зуурмаг бэлтгээд шарвин хайрна. \блины\ Шарвин дээрээ салатны байцааны навч тавиад огурцы төмс хальслагчаар нимгэн хэрчиж тавиад дээр нь бульгогины шарсан махнаасаа тавиад орооно. Ороомогоо хэрчиж таваглаад шар ногоон цагаан майонезээр чимэглэнэ

Шорлог


Орц: амталж шарсан мах \бульгогны мах\, давжаа байцаа, үрлэн помидор, үхийн төмс, будаа
Урьдчилан чанаж болгосон давжаа байцааг \брюсель байцаа\ үрлэн помидортой хамт сонгины тосонд хуурна. Дээр бэлдсэн бульгогины махнасаа холиод шорлоно. Жижиг үрийн төмс хамт шорлож болно, эсвэл төмсний нухаш хамт тавьж өгч болно. Будаатай хуургатай хамт өгвөл илүү тохиромжтой.

Бульгоги \шарсан мах\


Орц: улаан шар чинжүү, байцаа, лууван, хулуу, шар буурцагны мах, сармис, дуфу
Амтлагч: тенжан цуу, соя соус, хар перец, сахарын уусмал, миксердсэн сонгино, гүнжидийн үр болон цагаан гаа
Анхан шатны боловсруулалт: Сонгины тосоо халаагаад цагаан уур гарахаар нь соя соус хийгээд хөөсрөхөөр нь урьдчилан дэвтээсэн буурцагны махаа хийж шарна. Миксердсэн гүнжидийн үр, соя соус, сахарын уусмал, хар перец, миксердсэн сонгино, мөн миксердсэн цагаан гаа зэргээр амталж хуурна. Энэхүү бэлдмэлээ хөргөгчинд хийгээд хэрэглэх хүртлээ хадгалж болно. Махаа хуурахдаа галын амт оруулж өгнө.
Үйлчлүүлэгчид өгөхийн өмнө: сонгины тосоо халаагаад дээр нь сармис хийж болно, сармиснаас махны амт гардаг. Халсан тосон дээрээ урьдчилан амталж шарсан махаа хийгээд дээрээс нь хэрчсэн ногоонуудаа хийж хуурна, хуурахдаа тосондоо гал оруулна, ингэснээр шорлогний амт орж өгнө, их удаан хуурахгүй. Сонгины тос, мөөгний тос жаахан нэмээд хамгийн сүүлд нь яг гаргахын өмнө хар перец, гүнжидийн тос нэмж хийж өгнө. Махан төрлийн хоолонд хар перец хамгийн их тохиромжтой.
Солонгосын бор савтай амтлагч \тенжан\ дээр гүнжид, гүнжидийн тос, бяцалж нунтагласан дуфу хийж нухаад тэрнээсээ амтат чинжүүний талыг дээш харуулан дотор нь хийгээд хоолондоо соус болгон тавьж өгнө.

Амтат тос бэлтгэх
• Сонгины тос. Нэг аяга ургамлын тосоо халаагаад дээрээс нь 1 ширхэг бүдүүн ногоон сонгино хэрчиж хийгээд үргэлжлүүлэн халаана. Сонгины үнэр гартал нь ингэж байлгана. Үнэр гараад ирэхээр нь тосоо гал дээрээс аваад сонгиноо шүүж аван миксердэнэ. Цаашид хоолондоо тос болон сонгино хоёлууланг нь хэрэглэнэ. Сонгины паста нь бор өнгөтэй болсон байна. Сонгины амттай болсон тосоо тагтай саванд хийгээд хөргөгчид хадгална. 7 хоног орчим хадгаж болно.
• Цагаан гааны тосыг мөн энэ аргаар л бэлтгэнэ. Тал аяга орчим тосонд эрхий хурууны дайтай цагаан гаа орно. Цагаан гаагаа маш нимгэн хэрчиж хийнэ.
• Мөөгний тосыг энэ аргаараа бэлтгэнэ.
• Халуун чинжүүний тос. Тосоо дунд зэргийн гал дээр халаагаад аваад дээр нь нунтаг халуун чинжүү хийнэ. Чинжүүний үнэр гараад ирэхээр нь тосоо шүүж аваад үлдэгдэлийг нь хаяна.

2010년 2월 2일 화요일

Ходоодонд тустай 6 зүйлийн хүнсний бүтээгдэхүүн



Хоолны дэглэм алдагдсанаас болоод ходоод байнга өвдөж, ходоодны өвчинд амархан нэрвэгддэг. Тэгвэл ходоодонд тустай 6 зүйлийн хүнсний бүтээгдэхүүнийг нэрлэж байна.

Үүнд,

Нэгдүгээрт. Бөөрөнхий байцаа: Дотор гэдэсийн шархлааг анагаах, гэдэс ходоодны салиа бүрхэвчийг хамгаалах, ходоодны хэсэгт эвгүй байдал бий болохыг багасгадаг байна. Бөөрөнхий байцааны шүүсийг шахаж гаргаад уух нь ч сайн арга юм.

Хоёрдугаарт. Лангуа: Лангуанд үлэмж хэмжээний жимс жимсгэнийн цавуулаг зүйл агуулагддаг тул ходоодны ханыг хамгаалж, шархлааг багасгах үүрэг гүйцэтгэдэг байна.Үүнийг хэрэглэхдээ хальсийг нь авч хэрэглэх нь зүйтэй.

Гуравдугаарт. Гадирын жимс: Гадирын жимсний хүчиллэг эд нь уургийг задруулан хүлээн авахад тустай, шингээлт муудах болон ходоодны үрэвсэлд нэрвэгдэхээс зохих хэмжээгээр сэргийлдэг. Гадирын жимс нь бас дэлүү, ходоодыг сайжруулдаг тун ашигтай хүнсний бүтээгдэхүүн юм.

Дөрөвдүгээрт. Төмсурт төмс: Хоол боловсруулах системийг сайжруулдаг. Нялцгай эд нь ходоодны ханыг хамгаалах чадавхтай төдийгүй хоолны дуршлыг нэмэгдүүлдэг. Ходоод муудаж, хоолны дуршил муудсан хүмүүс уг төмсийг ахиухан идэж байх сайн.

Тавдугаарт. Цагаан гаа: Цусны эргэлтийг сайжруулдаг. Цагаан гаа нь Хятад улсын уламжлалт эмд ордог бөгөөд дур гутах, бөөлжихөд эмчилгээний үүрэг гүйцэтгэдэг гэнэ.

Зургадугаарт. Наран цэцэг: Наран цэцгэнд төрөл бүрийн шим тэжээлийн бүрэлдэхүүн элбэг агуулагдаж байдаг. Ходоодны ханыг хамгаалдаг төдийгүй ходоод гэдэсний үйл ажиллагааг идэвхжүүлж, өтгөн хатахаас сэргийлж, ходоод гэдсийг сайжруулдаг сайн хүнсний бүтээгдэхүүн юм.


Эх сурвалж:
setguul.com

2010년 1월 23일 토요일

Гоймонтой шөл

Орц: улаан лооль 4ш, сонгино 1/2, Мөөг, амтат чинжүү, Төмс гэх мэт өөрийн дуртай ногоонуудаа хийнэ. Мөн лемоны шүүс амтлагч орно.

Хийх арга: Ногоо болон улаанлоолио сайтар угаагаад нарийхан хэрчиж бэлдэнэ.
Гоймонгоо усанд хийгээд болгоно.
Хайруулын тавганд тос хийгээд эхлээд сонгиноо хуураад дараа нь улаан лоолио хутгаад хэсэг хугацаанд хуурна.Үлдсэн ногоонуудаа хийгээд сайтар хутгаад усаа тааруулж хийнэ. Ногоог болсонүгүйг шалгаад хоол амтлагчаа хийнэ.
лемоны шүүснээс хэдэн тусал хийгээд галыг нь багасгана.
Ногоон сонгино жижиглэн хэрчээд гаргахдаадээр нь тавина.

go veg, be green, save the planet!

go veg,    be green,     save the planet!