♥ Шар буурцгийн уураг, глутин ♥

Шар буурцгийн уураг, глутин Юуны түрүүнд цагаан хоол хийхдээ шар буурцагийн махаа /soy meat/ амталж сурах хэрэгтэй. Шар буурцагийн мах нь амталсан, амтлаагүй гэж хоёр янз байдаг. Харин амтлаагүй шар буурцагийн махыг дараахь байдлаар амтална: /А/ - эхлээд буцлам халуун усанд 15 минут дэвтээнэ. - дараа нь шар усыг нь арилтал 4-5 удаа зайлна - зайлсаны дараа усгүй болтол нь базна - базаж бэлдсэн шар буурцагийн махаа ердийн махтай адил амталж хуурч болно - шар буурцагийн мах маш хурдан болдог тул бусад зүйлээ гал дээр болгож байх хоорондоо тусгай саванд амтлагч вегетал болон мөөгний амтлагч / үүсүү /, буурцагийн жангаар амталж бэлдээд хоолондоо хийх ба бас ингэж ихээр бэлтгэж хөргөгчд хөлдөөгөөд бага багаар авч хэрэглэж болно. -Шар буурцагийн махыг өөрийн дуртай ямар ч амтлагчаар амталж, болох ба мах шиг бор хүрэн өнгөтэй болгохын тулд буурцагийн жангаар амталах хэрэгтэй. Бас жаахан ургамлын болоод оливын тос нэмж өгч ч болно.

зураг1- шар буурцгийн мах зураг2- гурилын уураг / глутин / Мөн махтай адил хэрэглэж болох зүйл бол гурилын уураг юм /Б/. Үүнийг хэн ч гэрийн нөхцөлд гаргаж болох ба маш амттай, тэжээллэг байдаг. Хэрхэн гаргаж авах вэ /глутин/: Орц: Дээд гурил 1 кг Ус 400-600мг Хийх арга: Гурилаа шингэвтэр зуурч гялгар уутанд буюу саванд хийж 2-4 цаг орчим байлгаад савтай хүйтэн усанд хийж базах ба цардуулыг гүйцэд угаах з замаар усыг хэдэн удаа солино. Гаргаж авсан уян хатан, сунамхай шинж чанартай хэсгийг глутин уураг гэх ба 1 кг гурилаас 350 г орчим глутин гарна гэж тооцоолдог. Үүнийг буузны гурил шиг жижиг хэмжээтэй таслаж нимгэн элдээд шарах юмуу жигнэж болгосны дараа хэрчээд төрөл бүрийн хоолонд мах орлуулан хэрэглэж болно. http://www.vegan.mn/index.php?option=com_content&view=article&id=93:2011-03-30-11-13-01&catid=5:-1&Itemid=42

Заавал гурилаар л торт хийнэ гэж үү?

Төрөл бүрийн будаа шошыг улаан чавага чанаж гаргаж авсан усаар агшаагаад шар хулуу, наранцэцгийн үр, самар, хулууны үр, алмонд, хушага, үзэм хатаасан жимс зэргээр чимэглэж хүссэн тортны хэлбэрийг гаргана. Мөн гүнждийн тос, амтат цуу, чихэрлэг буурцагын сүүгээр ч хүссэнээрээ амтлаж болно.
жинхэнэ өндөггүй сүүгүй эрүүл веган тортыг ингэж хийж туршиж үзээрэй

Цагаан хоол

Цагаан хоол гэж юу вэ?

Хүний шүд, ходоод гэдэсний зохион байгуулалтыг судлаад хүн гарал үүслээрээ ургамал болон сүүн тэжээлтэн байсныг нотолсон байдаг. Эртний хүмүүс ногоо, жимс, самраар хооллодог байжээ. Ургамлын гаралтай хүнс хэрэглэгсдийг “ногоо хоолтон” буюу “веган” гэж нэрлэдэг. Монголчууд эртнээс нааш амьтны амь хөнөөсөн хүнсийг төдийлөн таашаадаггүй, эрүүл мэндийн ач тусыг нь бодолцон жилийн 9 сард сүү цагаан идээгээр хооллож “гэдэс цайлгах” уламжлалтай байжээ. Монголчуудын энэ өвөрмөц уламжлал нь сүү цагаан идээнд суурилсан байх тул “цагаан хоол” гэж нэрлэдэг. Тэд хүнсний ургамал, сүү цагаан идээгээр үйлдэх хоолыг цагаан хоолонд тооцно.

“Амьтны амь хөнөөж бэлтгээгүй, мах, өндөгнөөс гаргаж авдаг хүнсний нэмэлт зүйл найрлагад нь ороогүй хоол, хүнсийг цагаан хоол гэнэ”.

Цагаан хоолны эрүүлжүүлэх ач тус

АНУ-ын Шим тэжээлийн нийгэмлэг болон Канад улсын хоолзүйчдийн холбооноос цагаан хоолны эрүүл мэндийн ач тусыг “Зөв зохицуулсан цагаан хоол нь эрүүл, тэжээллиг төдийгүй зарим өвчнөөс урьдчилан сэргийлэх болон эмчилгээний ач тустай” гэж тодорхойлжээ. Махан хоолыг боловсруулахад ургамал болон цагаан идээнээс илүү ажиллагаа шаардагдах ба бие махбодийн илүү ажилбар бүр нь хүнийг ядраадаг. Харин жимс, хүнсний ногоо нь махнаас 10 дахин, сүү цагаан идээ нь 5 дахин хялбар шингэцтэй, бие махбодид ашигтай олон шимт бодисын эх үүсвэр болдог төдийгүй бие махбодиос хортой бодисыг гадагшлуулах, хоргүйжүүлэх шинж чанартай болохыг шинжлэх ухаан нотолж байна. Цагаан хоол нь ханасан өөх тос, холестеролын хэрэглээг багасгаж, эслэг болон төрөл бүрийн аминдэм, эрдэс бодис, үл исэлдүүлэгч бодисын хэрэглээг нэмэгдүүлэх ач холбогдолтой. Ийм учраас цагаан хоол тогтмол хэрэглэх нь эрүүл мэндэд дараах давуу талтай болох нь судалгаагаар батлагджээ. Үүнд:

1.Биеийн илүүдэл жин багасч, биеийн жин тогтворжино: Үүний шалтгаан нь цагаан хоолтон амьтны гаралтай өөх тос, уураг бага хэрэглэдэг, согтууруулах ундаа хэрэглэдэггүй бөгөөд жимс, ногоо, сүү, цагаан идээ их хэрэглэдэгтэй холбоотой гэж эрдэмтэд тайлбарлажээ. Иймээс цагаан хоол хэрэглэснээр таргалалтаас шалтгаалсан олон эмгэгээс урьдчилан сэргийлэх боломжтой.
2.Цусанд өөх хуримтлагдахаас сэргийлж, ,даралт тогтворжуулж, зүрх-судасны эмгэг, цус харвалтын эрсдлийг бууруулна: Үүний шалтгаан нь цагаан хоолтнууд амьтны гаралтай өөх тос, холестерин бага хэрэглэдэг бөгөөд антиоксидант болон изофлавин, эслэгээр баялаг жимс, ногоо, буурцагт ургамал их хэрэглэдэгтэй холбоотой гэж үздэг.
3.Чихрийн шижин өвчний эрсдлийг бууруулна: Чихрийн шижин өвчтэй хүмүүсийн 80% нь “ЧШӨ II” хэлбэрээр оношлогдсон байх ба тэдний 90% нь илүүдэл жинтэй, тарган байдаг. Цагаан хоолтны биеийн жин хэвийн байхаас гадна хоолондоо эслэгээр баялаг ургамлын гаралтай хүнс түлхүү хэрэглэх учир энэ өвчинд өртөх эрсдэл буурдаг.
4.Хорт хавдрын эрсдлийг бууруулна: Учир нь жимс, ногоо, буурцагт ургамал, үр тариа, самар зэрэг нь бие махбодиос хортой бодисыг гадагшлуулах болон хорт хавдрын эсрэг үйлчлэл бүхий олон бодисыг найрлагадаа агуулдаг.
5.Бөөрний өвчний эрсдлийг бууруулж, үйл ажиллагааг хөнгөвчилнө: Уургийн хэт их хэрэглээ нь бөөрний ачааллыг нэмэгдүүлж өвчний эрсдлийг нэмэгдүүлэх төдийгүй өвчилсөн бөөрийг сэдрээж хүндрүүлдэг. Ургамлын уурагтай харьцуулахад амьтны гаралтай уураг нь бөөрөнд илүү их ачаалал өгдөг. Цагаан хоол хэрэглэх нь бөөрний үйл ажиллагааг хөнгөвчилж сайн нөлөө үзүүлнэ.
6.Өтгөн хаталтаас сэргийлж, бүдүүн гэдэсний үрэвсэлт өвчний эрсдлийг бууруулна. Хүнсний эслэг нь бүдүүн гэдэсний гүрвэлзэх хөдөлгөөнийг сайжруулснаар өтгөн хаталтаас сэргийлэх үйлчлэл үзүүлдэг. Хүнсний эслэгийн хамгийн сайн эх үүсвэр нь төрөл бүрийн шош, буурцагт ургамал, овъёос, эрдэнэ шиш, хивэг, бүтэн үрийн буудайн гурил, хөх тарианы гурил, төрөл бүрийн хүнсний ногоо, жимс, жимсгэнэ юм.

http://veg.mn/c/1-с

Тайланд ногоотой шөл

Орц: (1порц)
Цэцэгт байцаа 20гр,
Лууван 30 гр,
Жижиг эрдэнэ шиш 40гр,
Уутат вандуй 20гр,
Нарийн пүнтүүз 10 гр,
Сармис 10 гр,
Самрын тос 5 гр,
Ногоон сонгино 10 гр,
Остер соус З гр.

Хийх арга:
1.Лууванг нимгэн хавтгай, уутат вандуйг 2-3 см урттай хэрчээд, халаасан тостой хайруулын тавганд сармисын хамт 2-3 минут хуурна.
2.Буцалсан усанд нарийн пүнтүүзийг дэвтээгээд шүүнэ. Бор мөөг далайн замаг, цагаан лууван буцалгаж гаргаж авсан шөлөнд хуурсан ногоо, пүнтүүзийг хийгээд дээрээс нь жижгэвтэр хэрчсэн цэцэгт байцаа, эрдэнэ шишийг нэмж хийн 3-5 минут зөөлөн галаар буцалгаад сармис бусад амтлагчийг хийж бэлэн болгоно. Таваглахдаа дээр нь хэрчсэн ногоон сонгино хийнэ.

/Монголчуудын амьдрал/

Хамгийн ашигтай бүтээгдэхүүнийг жагсаажээ

Америкийн эрдэмтэд 2012 оны хамгийн ашигтай бүтээгдэхүүнийг нэрлэжээ.

Хоол судлаачдын үзэж буйгаар, үл исэлдүүлэгч багагүй агуулдаг улаан лооль жагсаалтыг тэргүүлсэн байна.

Тэрчлэн улаан лоолинд глюкоз, фруктоз, йод, натри, магни, марганц, цайр, А, В, В2, В6, К, РР, Е гэсэн амин дэм агуулагддаг бөгөөд тэдгээр нь бие махбодид эрч хүч өгч, цаг шиг ажиллахад тус болдог.

Жагсаалтын хоёрдугаарт, С амин дэмээр баялаг амтат чинжүү, гуравдугаарт амин дэм, эрдэс бодисоор баялаг жимснүүд оржээ.

Дөрөвдүгээрт, тослог, илчлэг багатай буурцгийн самар, тавдугаарт, цэвэр тараг, зургадугаарт, бууцай, долдугаарт, броколли орсон байна.

Тэрчлэн хамгийн ашигтай 10 бүтээгдэхүүний тоонд оливын тос, өөхгүй үхрийн мах, яргай загас оржээ.

З.Амгалан

WWW.gogo.mn-s